SMM nədir?

Sosial Media Marketinq (SMM), xidmət və məhsulun sosial mediada tanıtımı, kampaniyalar, satış sonrası müştəri dəstəyi və müştəri loyallığı kimi bir çox üstünlükləri özündə cəmləşdirən yeni nəsil marketinq qoludur. Sosial media marketinq son zamanlarda sürətlə inkişaf edən rəqəmsal marketinqin əsas hissələrindən biri olub, marka tanıtımı üçün ən effektiv üsullardan biridir.

Niyə SMM?

Şirkətlərin sosial media hesabı vasitəsilə müştəriləri ilə birbaşa ünsiyyətdə olması onların müştərilərinə dəyər verməsinin, fikirlərini nəzərə almasının göstəricisi olaraq müştəri sadiqliyinin artmasına gətirib çıxarır. Digər tərəfdən, sosial media marketinq ənənəvi marketinqdən fərqli olaraq ölçüləbilən və daha sürətlidir. Bu da hazırki dünyada vaxtı dəyərli olan müştərilər üçün çox vacib bir faktordur.

Xidmət üstünlükləri:

Daha çox marka tanınması
Araşdırmalara əsasən müştərilər markalar ilə ilk olaraq sosial mediada tanış olur. Markanızın sosial mediada varlığı potensial müştərilərinizin sizi tapmasına və çevik əlaqə qurmasına fürsət yaradır. 

Müştəri loyallığı
Sosial şəbəkədə olan şirkətlər ilə onların müştəriləri arasında daha çox sadiqliyin olduğu barizdir. Bunun başlıca səbəbi müştərinin ehtiyacı olduğu zaman şirkətə bir klik qədər yaxın olmasıdır.

Potensial müştərilər
Sosial media üzərindən etdiyiniz paylaşımlar zamanı vebsayta yönləndirmə çox effektivdir. Bu addım, hədəf müştəri kütləsinə daha dolğun məlumat çatdırmaq üçün ideal imkanlar yaradır. Nəticədə, vebsaytınıza daha çox daxil olan istifadəçilər, zamanla real müştərinizə çeviriləcəkdir. Bu istiqamətdə rəqəmsal marketinq alətlərinin də köməyi əvəzsizdir.

Az büdcə və ölçüləbilən sərfiyyat
Sosial media marketinqi ənənəvi marketinqdən dəfələrlə ucuz və effektivdir. Belə ki, siz reklama ayırdığınız büdcəni özünüz təyin edir, ayırdığınız məbləğə uyğun olaraq nə qədər geri dönüş (müştəri) əldə etdiyinizi və reklamın sizə olan sərfiyyatını ölçə bilirsiniz.

Xidmətlər: 

• Strategiyanın qurulması
• Hədəf kütlənin təyin edilməsi
• Hədəf kütləyə uyğun məzmunun yaradılması
• Rəqib analizi
• Büdcənin təyin olunması
• Hədəf kütləyə uyğun məzmunun yaradılması
• Real Time Marketinq
• Rəqəmsal kampaniyalar və viral reklamlar